Залудно барам траги од твоето тело откако замина.
Но само пронаоѓам стотици сеќавања и спомени од тебе.
Ги затворам очите за да те замислам покрај мене. Но те нема и се околу мене станува тешко и ладно. Мојата сегашност веќе не е иста без тебе.
Земи ме. Земи ме повторно со тебе.
Сакам повторно да ја почувствувам твојата кожа на моето тело. Сакам повторно да те почувствувам до мене и да кажам дека си мој.
Сакам да те прегрнам и да ти признаам се што ми доаѓа на срце.
Бакни ме повторно, сакам повторно да почувствувам дека си мој.
Милијарда пати си реков на самата себе дека треба да те заборавам, но ништо од ова не постигнувам.
Кога и да посакам да бидам со друг, неможам. Друг е пред мене, а всушност јас тебе те гледам. Физички сум присутна до него, а психички мислам на тебе.
Ти го гледам ликот во секој случаен минувач. Понекогаш сум се затрчувала мислејќи дека си ти, но кога стигнувам до личноста по која се затрчав, се разочарувам.
Тоа не си ти.
Животот продолжува, но јас никако неможам или несакам да те заборавам и да продолжам.
Но ти си отиде, а јас пак го чувствувам она студенило кое ми го протресува телото, мислејќи дека не е исто без тебе.
А сега само ми останаа сеќавања, и топлината од твоите бакнежи живее во мене.
И едно знам.. повеќе не се препознавам.